San Antonio Spurs úr leik

San Antonio Spurs er úr leik í úrslitakeppni NBA-deildarinnar í körfuknattleik eftir svekkjandi 90:86-tap gegn Denver Nuggets í Denver í nótt í átta liða úrslitum Vestudeildarinnar. Denver leiddi með 10 stigum eftir fyrsta leikhluta og var munurinn á liðunum kominn upp í 13 stig í hálfleik, 47:34, Denver í vil.

San Antonio tókst að minnka forystu Denver í 11 stig í þriðja leikhluta og þegar mínúta var til leiksloka var munurinn á liðunum tvö stig. Leikmenn Denver reyndust sterkari á lokamínútunni og fögnuðu sigri en Jamal Murray var stigahæstur í liði Denver með 23 stig, fimm fráköst og 4 stoðsendingar. Rudy Gray skoraði 21 stig í liði San Antonio og tók átta fráköst en Denver mætir Portland Trail Blazers í undanúrslitum Vesturdeildarinnar.

Undanúrslit Austurdeildarinnar fóru af stað í nótt þegar Toronto Raptos fékk Philadelphia 76ers í heimsókn þar sem Kawhi Leonard fór á kostum í liði Raptos og skoraði 45 stig og tók ellefu fráköst. Leiknum lauk með þrettán stiga sigri Raptos, 108:95, en Raptors leiddi með níu stigum í hálfleik. J.J Redick var atkvæðamestur í liði Philadelphia með 17 stig og tvö fráköst en Raptors er komið í 1:0 í einvíginu.

• Blogga um frétt