Íslandsmeistarar KR í körfuknattleik fengu í dag gríðarlegan liðsstyrk þegar bræðurnir Jakob Örn og Matthías Sigurðarsynir ásamt Brynjari Þór Björnssyni skrifuðu undir samning við Vesturbæjarliðið. Matthías og Brynjar gera tveggja ára samning en samningur Jakobs er til eins árs.
Jakob Örn hefur spilað sem atvinnumaður mörg undanfarin ár en hann lék með KR frá 1998-200 og aftur 2009 og varð tvisvar sinnum Íslandsmeistari með liðinu. Jakob, sem er 37 ára gamall, hefur spilað með Borås í Svíþjóð frá 2015 en þar áður lék hann með Sundsvall.
Matthías kemur til KR frá ÍR, sem hann hefur leikið með undanfarin, ár og hefur verið lykilmaður í Breiðholtsliðinu sem tapaði fyrir KR í úrslitaeinvíginu á móti KR í vor. Matthías lék á yngri árum með KR-ingum
Brynjar Þór snýr aftur til KR en hann yfirgaf liðið fyrir leiktíðina og gekk í raðir Tindastóls. Brynjar rifti samningi sínum við Tindastól í síðasta mánuði. Hann hefur átta sinnum orðið Íslandsmeistari með KR, þar sem hann hefur leikið allan sinn feril hér á landi, að undanskyldu tímabilinu 2018-2019 þar sem hann lék með Tindastóli. Þá lék hann með Jämtland Basket tímabilið 2011-2012 í sænsku úrvalsdeildinni.