Jommy Butler átti frábæran leik fyrir Miami Heat þegar liðið heimsótti Boston Celtics í bandarísku NBA-deildinni í körfuknattleik í dag.
Butler skoraði 26 stig, gaf ellefu stoðsendingar og tók átta fráköst en leiknum lauk með 130:124-sigri Miami.
Miami bókstaflega keyrði yfir leikmenn Boston í fyrri hálfleik og leiddu með sextán stigum í hálfleik, 79:53.
Boston tókst að minnka forskot Miami í ellefu stig í þriðja leikhluta og þrátt fyrir að skora 40 stig gegn 25 stigum Miami í fjórða leikhluta tókst þeim ekki að snúa leiknum sér í vil.
Evan Fournier var stigahæstur Boston-manna með 30 stig en liðið er með 35 sigra í sjöunda sæti austurdeildarinnar.
Miami er hins vegar í sjötta sæti austurdeildarinnar með 37 sigra og hefur nú þægilegt forskot á Boston fyrir lokaumferðirnar.