Durant og Giannis fóru á kostum í oddaleiknum
Setja bókamerki
Kevin Durant átti stórleik í liði Brooklyn Nets þegar það þurfti að sætta sig við naumt 111:115 tap gegn Milwaukee Bucks í oddaleik liðanna í undanúrslitaeinvígi Austurdeildar NBA í nótt. Giannis Antetokounmpo fór þá fyrir Milwaukee í mögnuðum leik.
Durant skoraði 48 stig fyrir Brooklyn og tók auk þess níu fráköst og gaf sex stoðsendingar.
Giannis var ekki langt undan í liði Milwaukee og náði tvöfaldri tvennu. Skoraði hann 40 stig og tók 13 fráköst, ásamt því að gefa fimm stoðsendingar.
James Harden sneri aftur í lið Brooklyn eftir að hafa glímt við meiðsli og setti niður 22 stig auk þess að taka níu fráköst og gefa níu stoðsendingar.
Með sigrinum í nótt er Milwaukee búið að vinna einvígið 4:3 og er komið í úrslit Austurdeildarinnar, þar sem liðið mætir annaðhvort Atlanta Hawks eða Philadelphia 76ers.
Í einvígi Atlanta og Philadelphia er staðan 3:3 og þurfa liðin því sömuleiðis að spila oddaleik. Sjöundi leikur þeirra fer fram á miðnætti aðfaranætur mánudags.
Tveir í haldi grunaðir um mansal og smygl á fólki
Finnar og Svíar taka ekki á móti særðum frá Gasa
Lögreglan leitar eftir myndefni í tengslum við andlátið
Hætta vegna jarðfalls í sprungur metin töluverð
Gerðu umfangsmiklar loftárásir á Líbanon
Eina leiðin var að fella björninn
Of margir nemendur og ákall um hæft starfsfólk