Skúli Mogensen, forstjóri WOW air, horfir til þess að skrá félagið á hlutbréfamarkað í New York eða London árið 2019. Þetta staðfestir Skúli í svari við fyrirspurn mbl.is.
Greint var frá því að til greina kæmi að skrá WOW air á markað árið 2019 þegar það næði þeim áfanga að hala inn millljarð Bandaríkjadala í tekjur.
Í samtali við fréttastofu Reuters sagði Skúli að til að halda hröðum vexti félagsins áfram þyrfti að skoða ýmsa möguleika á að finna samstarfsaðila, fara á markað og svo framvegis.
Spurður um hugsanlega samstarfsaðila segir Skúli ekkert ákveðið í þeim efnum.
„Það er ekkert ákveðið með samstarfsaðila en við erum að horfa á skráningu í New York eða London árið 2019.“