Skoða hvort pissað verði á IKEA-bækling hér

„Ég hélt fyrst að þetta væri brandari. Ég ætla að sjá hvernig þetta fer af stað úti en ég lofa engu,“ segir Þórarinn Ævarsson, framkvæmdastjóri IKEA, spurður hvort íslenskum konum muni standa til boða að taka óléttupróf í IKEA-bæklingi og fá afslátt af barnarúmi fyrir vikið líkt og kynsystur þeirra fá í Svíþjóð. 

Frétt af mbl.is

Fá afslátt fyrir þvagblauta auglýsingu

„Við höfum ekki fengið nein boð um að þetta sé alþjóðleg herferð,“ segir Þórarinn. Hann hyggst fylgjast vel með hvernig uppátækið mælist fyrir í Svíþjóð og taka afstöðu til þess hvort þetta verði tekið upp hér á landi eftir það.

Hann bendir á að oft er IKEA með afmarkaða auglýsingaherferð í tilteknu landi sem ekki sé notuð í öðrum löndum. Það gæti vel átt við um þessa auglýsingu.  

Samkvæmt auglýsingunni er afslátturinn ekki alltaf sá sami sem kemur upp. Hvort það fari eftir meðgöngulengd skal ósagt látið.  

• Blogga um frétt