Allar Iceland-verslanirnar sjö, fimm 10-11 verslanir og báðar Háskólabúðirnar verða seldar til Samkaupa frá Basko verði kaupin samþykkt af Samkeppniseftirlitinu. Þetta kemur fram í samrunatilkynningunni sem barst Samkeppniseftirlitinu hinn 25. júní sl. Kaupverðið er trúnaðarmál.
Eftir viðskiptin munu Basko verslanirnar áfram reka 18 verslanir undir nafninu 10-11 auk verslunarinnar Kvosarinnar, Inspired by Iceland verslunar og veitingastaðarins Bad Boys Burgers & Grill.