Hlutabréf í VÍS hafa hækkað um tæp 3,2% það sem af er degi í rúmlega 39 milljóna króna viðskiptum með bréfin.
Félagið sendi í gær frá sér tilkynningu til Kauphallar um að útlit væri fyrir að afkoma á öðrum ársfjórðungi yrði rúmum 600 milljónum króna hagstæðari en afkomuspá félagsins hafði gert ráð fyrir.
Afkomuspá félagsins gerði ráð fyrir því að hagnaður fyrir skatta yrði upp á 814 milljónir króna á tímabilinu, en nú er búist við því að hagnaðurinn muni nema rúmum 1,4 milljörðum króna.
Helsta ástæða betri afkomu var í tilkynningunni sögð vera hærri ávöxtun fjáreigna á tímabilinu en búist hafði verið við.