Segja OAG kaupanda eigna WOW

Kaupandi eigna úr þrotabúi WOW air er Michele Ballarin og Oasis Aviation Group (OAG), ef marka má heimildir Viðskiptablaðsins. Fram kemur að Ballarin hafi áhuga á rekstri WOW áður en það fór í þrot. Einnig á hún að hafa haft samband við ýmsa starfsmenn WOW á meðan þeir enn störfuðu hjá félaginu til þess að fá þá til að starfa með endurreistu félagi.

Samkvæmt vef félagsins annast það fyrst og framst sérhæfingu á sviði loftflutninga og sinnir leiguflugi, sérstaklega í Afríku. Þá býður félagið einnig upp á endurmenntun og þjálfun fyrir flugmenn.

Fram hefur komið að bandarískur fjárfestir hafi fest kaup á öllum eignum úr þrotabúi WOW air sem tengjast fulgrekstri. Ekki hefur fengist staðfest hver fjárfestirinn er.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK