Tesla setur upp „ofurhleðslustöðvar“ á þremur stöðum á Íslandi
Setja bókamerki
Rafbílaframleiðandinn Tesla hyggst setja upp svokallaðar ofurhleðslustöðvar (e. Superchargers) á þremur stöðum á Íslandi; Egilsstöðum, Klaustri og Stað. Þetta kemur fram á vefsíðu fyrirtækisins.
Á vefsíðunni er ekki tilgreint nánar hvenær ofurhleðslustöðvarnar verða settar upp heldur einungis sagt, innan sviga, að þær verði settar upp fljótlega.
Í skriflegu svari Evens Sandvolds Rolands, samskiptastjóra Tesla í Noregi, segir að ekki sé hægt að skýra nánar frá verkefninu á þessari stundu en frekari upplýsingar verði gefnar út síðar.
Spurður hvers vegna þessar staðsetningar hafi orðið fyrir valinu segir Roland að Tesla setji vanalega upp ofurhleðslustöðvar á þeim stöðum sem viðskiptavinir þeirra vilji heimsækja með það að markmiði að tengja vinsæla ferðamannastaði.
Ofurhleðslustöðvar eru hugsaðar fyrir lengri ferðalög en fyrir innanbæjarakstur er best að nota hefðbundnar hleðslustöðvar annaðhvort á heimilum eða vinnustöðum.
„Bílarnir okkar geta keyrt allt að 610 km samkvæmt WLTP-staðlinum, sem er meira en nóg fyrir hefðbundinn innanbæjarakstur. Svo þegar við setjum upp ofurhleðslustöðvar á Íslandi viljum við jafnt og þétt koma á fót kerfi ofurhleðslustöðva á lykilstöðum sem mun gera viðskiptavinum okkar kleift að ferðast auðveldlega milli vinsælustu og mikilvægustu áfangastaða,“ skrifar Roland.
Vangaveltur gengu lengra en innistæða var fyrir
Fjarskiptatæki um alla borg sprungu samtímis
Björninn sagður nálægt byggð
Tveir í haldi grunaðir um mansal og smygl á fólki
740 milljón króna sígarettusmygl
Mikilvægt að úrræði séu endurskoðuð
Lögreglan leitar eftir myndefni í tengslum við andlátið
Of margir nemendur og ákall um hæft starfsfólk