Fimm nýir starfsmenn til brandr

Vörumerkjastofan brandr hefur ráðið til sín framkvæmdastjóra og fjóra ráðgjafa. ...
Vörumerkjastofan brandr hefur ráðið til sín framkvæmdastjóra og fjóra ráðgjafa. F.v: Viktoría Alfreðsdóttir, Rúnar Ómarsson, Íris Mjöll Gylfadóttir, Stefán Atli Thoroddsen og Ingólfur Örn Guðmundsson. Ljósmynd/Aðsend

Vörumerkjastofan brandr hefur ráðið til sín framkvæmdastjóra og fjóra ráðgjafa. Fyrir utan að vinna að ráðgjöf á Íslandi hefur fyrirtækið markað sér sérstöðu erlendis undir nafninu Larsen Energy Branding sem eina ráðgjafafyrirtækið í heiminum sem hefur einbeitt sér að vörumerkjastjórnun í orkugeiranum. Þá heldur fyrirtækið ráðstefnur hér heima og erlendis undir vörumerkinu CHARGE.

Íris Mjöll Gylfadóttir hefur verið ráðin framkvæmdastjóri CHARGE og mannauðsstjóri brandr. Íris hefur margra ára reynslu af stjórnun og verkefnastýringu og starfaði nú síðast sem verkefnastjóri fyrir fjártæknifyrirtækið Alva, að því er segir í tilkynningu. Þar á undan stýrði hún einu stærsta upplýsingatækniverkefni sem ráðist hefur verið í á Íslandi þegar hún bar ábyrgð á innleiðingu Íslandsbanka og Landsbankans yfir í nýtt innlána- og greiðslukerfi fyrir hönd Reiknistofu bankanna. Þar áður starfaði hún við verkefnastjórnun m.a. hjá Origo og Arion banka.

Ingólfur Örn Guðmundsson hefur starfað í alþjóðlegu umhverfi markaðsmála í 25 ár. Lengstum starfaði hann hjá Marel, fyrst innan sviðs vöruþróunar sem vöruhönnuður en um 22 ára skeið leiddi hann aljóðlega uppbyggingu markaðsstarfs hjá Marel. Hann hefur að auki komið að margs konar verkefnum á sviði vöruþróunar, stefnumótunar og sölumála. Árið 2018 venti Ingólfur kvæði sínu í kross og byggði upp markaðsmálin hjá nýsköpunarfyrirtækinu Kerecis áður en hann hóf störf sem ráðgjafi á sviði markaðsmála.

Rúnar Ómarsson hefur stýrt alþjóðlegum vörumerkjum um árabil. Hann var m.a. framkvæmdastjóri og einn stofnenda Nikita Clothing. Undanfarin ár hefur Rúnar starfað við ráðgjöf hjá ólíkum íslenskum fyrirtækjum, sem hafa átt það sameiginlegt að stefna á árangur á alþjóðlegum mörkuðum.

Stefán Atli Thoroddsen var stofnandi og framkvæmdastjóri Jungle Bar. Hann starfaði síðan sem viðskiptastjóri hjá Gallup á markaðsrannsóknasviði 2017-2018 og sem verkefnisstjóri hjá Já á vöru- og viðskiptaþróunarsviði 2018-2019.

Viktoría Alfreðsdóttir starfaði sem einstaklingsráðgjafi hjá Sjóvá og íslenskukennari hjá Retor fræðslu. Hún er nýlega flutt aftur til Íslands eftir nám í Flórens á Ítalíu. Þar útskrifaðist hún með meistaragráðu í vörumerkjastjórnun með áherslu á tísku.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK