Breska pundið hefur lækkað um 1% það sem af er degi gagnvart Bandaríkjadal og 0,8% gagnvart evru. Ástæðan er tilkynning forsætisráðherra Bretlands um að 15. október sé lokadagur viðræðna við Evrópusambandið varðandi útgöngu Breta, Brexit.

Boris Johnson forsætisráðherra greindi frá þessu í dag og óttast einhverjir um að þetta geti þýtt að Bretar gangi samningslausir út úr ESB.

Ráðherrar í ríkisstjórn Bretlands vinna nú að frumvarpi sem gæti gert að engu mikilvæg atriði í samkomulagi Breta við ESB um útgöngu. Til að mynda varðandi landamæri Norður-Írlands sem er ætlað að koma í veg fyrir landamæraeftirlit að nýju á landamærum Írlands. 

Bretland gekk formlega úr ESB í janúar en fylgir enn reglum sem settar eru í Brussel á meðan aðlögunartímabilið stendur yfir. Því lýkur um áramótin. 

Á morgun hefst áttunda umferð viðræðna um viðskiptasamning milli Bretlands og ESB. 

Frétt af mbl.is

Brexit: Hvað er breytt?

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt