Kjörbúðin opnaði nýja verslun við Suðurlandsveg á Hellu í gær, auk þess sem undirritaður var eins árs samstarfssamningur við Golfklúbbinn á Hellu.
Verslanir Kjörbúðarinnar eru nú staðsettar á 16 stöðum á landinu. Kjörbúðin er í eigu Samkaup hf. og verið er að innleiða vildarkerfi sem gildir í öllum verslunum og ber heitið Samkaup í símann og veitir það viðskiptavinum fastan afslátt af innkaupum og aðgang að sértilboðum.
Samkaup reka um 60 verslanir víðsvegar um landið. Helstu verslanamerki Samkaupa eru Nettó, Kjörbúðin, Krambúðin og Iceland.