Opinn kynningarfundur vegna hlutafjárútboðs flugfélagsins Play fer fram í dag. Fundurinn hefst klukkan 8:30 og verður sýnt frá honum í beinu streymi á mbl.is. Hlutafjárútboð Play hefst klukkan 10 fimmtudaginn 24. júní og stendur yfir til klukkan 16 á föstudag.
Boðnir verða til sölu samtals 221.906.800 hlutir að nafnverði í formi nýrra hlutabréfa í Fly Play hf. Áætlað er að niðurstöður útboðsins verði kynntar 25. júní og niðurstöður úthlutunar 28. júní.