Nettó klár í jólaverslun með nýrri netverslun

Notendaprófanir hafa staðið yfir sem er nú lokið og netverslun …
Notendaprófanir hafa staðið yfir sem er nú lokið og netverslun hefur opnað á netto.is. Ljósmynd/Aðsend

Síðastliðið haust tilkynnti Nettó um breytingar á netverslun og hafa síðan svokallaðar notendaprófanir staðið yfir sem er nú lokið og netverslun hefur verið opnuð á netto.is. Dagbjört Vestmann Birgisdóttir, rekstrarstjóri netverslunar Nettó telur það vera mikinn kost að koma af fullum krafti á þessum tímapunkti og geta þar með tekið þátt af fullum krafti í Black Friday, Cyber Monday og allri jólaverslun.

„Viðbrögðin hafa sannarlega farið fram úr okkar björtustu vonum og það er frábært að koma svona öflug inn í jólatímabilið, þar sem við getum tekið þátt af fullum krafti í Black Friday, Cyber Monday og allri jólaverslun. Við sjáum vel að neytendur vilja spara sér tíma á þessum háannatíma og netverslun spilar þar gríðarlega stórt hlutverk. Við höfum því lagt allt kapp á að vera klár í jólaösina og fögnum því ákaft að geta opnað formlega á þessum tímapunkti,” segir Dagbjört í tilkynningunni.

Dagbjört Vestmann Birgisdóttir, rekstrarstjóri netverslunar Nettó.
Dagbjört Vestmann Birgisdóttir, rekstrarstjóri netverslunar Nettó. Ljósmynd/Aðsend

Þá segir enn fremur að meðal stærstu breytinganna sem ný netverslun hefur í för með sér sé innleiðing vildarkerfis Samkaupa, sem fram til þessa hefur einungis verið möguleg í gegnum Samkaupa-appið. „Nú er 2% apps-afslátturinn aðgengilegur öllum sem nýta sér netverslunina en hann safnast upp og verður að inneign sem nýta má í öllum rúmlega sextíu verslunum Samkaupa um allt land," segir Dagbjört.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK