Móðurfyrirtæki japönsku fataverslunarinnar Uniqlo tilkynnti í morgun um launahækkanir sem ná munu til þúsunda starfsmanna um allt að 40 prósent til þess að verða alþjóðlega samkeppnishæfur vinnustaður.
Hækkunin mun ná til um 8.400 starfsmanna í fullu starfi en alls starfa um 56.000 manns fyrir móðurfyrirtækið Fast Retailing í Japan.
Hækkunin mun dreifast mismikið á starfsfólk eftir starfsaldri. Minnst verður hún hjá nýráðnu fólki og mest hjá reyndum starfsmönnum í stjórnunarstöðum.
Í tilkynningu frá Fast Retailing segir að vonir séu bundnar við að „launapakkarnir“ muni leiða til vöxt starfsmanna og í kjölfarið „enn meiri samkeppnishæfni á alþjóðasviðinu“.