Verð íslenskra afurða í sögulegu hámarki

Landað á Arnarstapa. Mynd úr safni.
Landað á Arnarstapa. Mynd úr safni. mbl.is/Rax

Verðlag íslenskra sjávarafurða í erlendri mynt hefur haldið áfram að hækka á þessu ári og var í sumar hærra en það hefur áður mælst. Frá því í janúar 2013 hefur verðið hækkað um tæplega fjórðung í erlendri mynt. Greint er frá þessu í Hagsjá hagfræðideildar Landsbankans.

Fram kemur í greiningu deildarinnar að verðið hafi náð tímabundnu hámarki í kringum áramótin 2011 og 2012.

„Uppfrá því tók það að lækka og náði tímabundnu lágmarki í janúar 2014 og hafði þá lækkað um 6% á tveimur árum,“ segir í Hagsjánni.

„Skipta má útflutningi sjávarafurða í annars vegar botnfisk og hins vegar uppsjávarfisk. Botnfiskurinn hefur lengi vegið umtalsvert meira en uppsjávarfiskur en verð á botnfiski hefur hækkað töluvert á síðustu misserum og er það helsta skýringin á hækkandi verðlagi íslenskra sjávarafurða í heild sinni.“

Verð á botnfiski fylgist að við heimsmarkaðsverð kjöts

Bent er á það að hækkunin á íslenskum botnfiskafurðum síðustu misseri hafi komið til á sama tíma og heimsmarkaðsverð á kjöti hefur hækkað.

„Töluverð tengsl hafa verið á milli verðs á kjöti og botnfiskafurða frá Íslandi. Þannig hefur verðþróun á botnfiski að nokkru leyti fylgt eftir verðþróun á kjöti með nokkurra mánaða tímatöf en áhrifin eru þó ekki mjög mikil og ekki hægt að segja að verð á botnfiski stýrist af heimsmarkaðsverði kjöts.“

Mun meiri sveiflur hafi þó einkennt verðþróun á kjöti en á botnfiski frá Íslandi.

„Þrátt fyrir að verð á botnfiski hafi almennt fylgt kjötverði hafa þó komið tímabil þar sem verð á botnfiski hefur haldið velli á sama tíma og verð á kjöti hefur gefið mikið eftir. Sem dæmi lækkaði verð á kjöti á einu og hálfu ári frá ágúst 2014 um tæplega þriðjung. Á sama tímabili hækkaði verð á botnfiski um 8,2%.“

mbl.is

Bloggað um fréttina

Afurð Dags. Meðalverð
Gellur 6.12.17 706,00 kr/kg
Þorskur, óslægður 17.1.18 281,29 kr/kg
Þorskur, slægður 17.1.18 310,49 kr/kg
Ýsa, óslægð 17.1.18 326,02 kr/kg
Ýsa, slægð 17.1.18 296,47 kr/kg
Ufsi, óslægður 17.1.18 94,42 kr/kg
Ufsi, slægður 17.1.18 123,26 kr/kg
Djúpkarfi 29.12.17 131,00 kr/kg
Gullkarfi 17.1.18 322,39 kr/kg
Litli karfi 14.12.17 0,00 kr/kg

Fleiri tegundir »

17.1.18 Sigrún EA-052 Handfæri
Ufsi 245 kg
Þorskur 158 kg
Samtals 403 kg
17.1.18 Þorleifur EA-088 Þorskfisknet
Þorskur 4.645 kg
Ufsi 2.628 kg
Karfi / Gullkarfi 871 kg
Ýsa 100 kg
Hlýri 23 kg
Samtals 8.267 kg
17.1.18 Indriði Kristins BA-751 Lína
Þorskur 7.879 kg
Steinbítur 256 kg
Ýsa 69 kg
Hlýri 10 kg
Skarkoli 6 kg
Karfi / Gullkarfi 5 kg
Langa 2 kg
Samtals 8.227 kg

Skoða allar landanir »