Þrjátíu starfsmönnum Fiskiðjunnar Bylgju í Ólafsvík var sagt upp störfum fyrir síðustu mánaðamót. Uppsagnirnar taka gildi eftir 1-3 mánuði, misjafnt eftir starfstíma, en á næstu vikum verður unnið að lausn á rekstrarvanda fyrirtækisins.

Baldvin Leifur Ívarsson framkvæmdastjóri staðfesti uppsagnirnar í samtali við Morgunblaðið í gær, en vildi ekki tjá sig um stöðuna að svo stöddu. Baldvin Leifur er aðaleigandi fyrirtækisins á móti belgískum aðilum.

Samkvæmt upplýsingum blaðsins hefur víða harðnað á dalnum hjá minni fiskvinnslufyrirtækjum á þessu ári. Fyrst og fremst hefur gengið sett strik í reikninginn, auk þess sem sjómannaverkfall í tíu vikur um síðustu áramót hafði veruleg áhrif á afkomuna og viðskipti í sjávarútvegi.

Áður hefur verið greint frá uppsögnum 57 starfsmanna Frostfisks í Þorlákshöfn.

Frétt af mbl.is

125 sagt upp í hópuppsögnum

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir