Skaginn 3X á Akranesi, Kælismiðjan Frost og Rafeyri á Akureyri framleiða allan búnað í eitt stærsta uppsjávarhús í heimi, sem nú er í byggingu á Þvereyri á Suðurey í Færeyjum.

Fyrirtækið Varðin Pelagic stefnir að því að hefja vinnslu í húsinu um mitt næsta ár og er samningsupphæðin um fimm milljarðar króna. Framkvæmdir eru fyrir nokkru hafnar bæði á Íslandi og í Færeyjum, en fleiri íslensk fyrirtæki koma að verkefninu.

Skaginn 3X er með stærsta hluta verksins, en fyrirtækið er nú með verkefni víða um heim og hefur undanfarið gert fjölda samninga um nýjar lausnir í uppsjávariðnaði. Má þar nefna uppsetningu á nýrri verksmiðju fyrir Eskju á Eskifirði og samning við France Pélagique um nýja kynslóð sjálfvirkrar vinnslu fyrir skip, auk samningsins við Færeyingana. Alls starfa um 240 manns hjá fyrirtækinu og hefur þeim fjölgað talsvert á síðustu misserum, að því er fram kemur í umfjöllun um umsvif Skagans í Morgunblaðinu í dag.

Tengdar fréttir

Nýsköpun og tækni í sjávarútvegi

Fjárfesta 332 milljónum í Hefring

• Frumkvöðlar bláa hagkerfisins kynna nýsköpun
• Hugmyndafræði Sjávarklasans víða eftirsótt
• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu

» Fleiri tengdar fréttir