„Við væntum viðbragða frá Færeyingum,“ segir Kristján Þór Júlíusson sjávarútvegsráðherra en hann ákvað í morgun að fella úr gildi allar heimildir færeyskra fiskiskipa til að stunda veiðar innan íslenskrar lögsögu árið 2018.

„Þetta er svar við því að okkar skip fá ekki að veiða kolmuna í þeirra sjó á næsta ári,“ segir Kristján Þór en ekki náðist samkomulag um óbreyttan samning milli Íslands og Færeyja á fundi sjávarútvegsráðherra ríkjanna tveggja fyrr í mánuðinum.

Frétt af mbl.is

Fella úr gildi veiðiheimildir Færeyinga

„Ég lagði til að samningar yrðu óbreyttir milli ára og að við tækjum upp viðræður á nýju ári um þróun samninganna,“ segir Kristján Þór en Færeyingar kröfðust aukinna heimilda til veiða á botnfiski innan íslenskrar lögsögu ásamt afléttingu takmarkana á manneldisvinnslu á loðnu.

Kristján segir það skýrt í sínum huga að hann vilji halda sérstöku sambandi Íslendinga og Færeyinga góðu, en menn verði að meta samband þjóðanna varðandi fiskveiðiréttindi í fullri sanngirni. „Ég er tilbúinn að ræða breytingar á fyrra samkomulagi. En ef Ísland á að gefa eitthvað frá sér í viðskiptum við aðrar þjóðir þá er eðlilegt að eitthvað annað komi í staðinn.“

Tengdar fréttir

Fiskveiðideilur við Færeyinga

Samkomulagi náð við Færeyinga

• Samningar náðst við Færeyinga
• Furða sig á framferði Íslendinga
• Óvissa ríkir vegna deilu við Færeyjar
• Heiðrún Lind: „Treystum stjórnvöldum“

» Fleiri tengdar fréttir

• 2 blogg um fréttina

Bloggað um fréttina

• Kristinn Ásgrímsson: Það er sælla að gefa en þiggja.
• Sölvi Fannar Viðarsson: Vg verður áfram grænn og gerður út frá Túngötunni