Leita leiða til að auka útflutning ufsa

Heiðrún Lind Marteinsdóttir, framkvæmdastjóri SFS, hélt stutt erindi við upphaf ...
Heiðrún Lind Marteinsdóttir, framkvæmdastjóri SFS, hélt stutt erindi við upphaf Hnakkaþonsins. mbl.is/Kristinn Magnússon

Nemendur Háskólans í Reykjavík leita nú leiða til að auka útflutning á sjófrystum ufsa til Bandaríkjanna, en Hnakkaþon 2018, útflutningskeppni HR og Samtaka fyrirtækja í sjávarútvegi hófst í gær. Áskorun Hnakkaþonsins í ár felst í að finna leiðir til að auka sölu á sjófrystum ufsa til hótela og veitingahúsakeðja í Bandaríkjunum, en hún var þróuð með Brimi hf., Icelandic, Eimskip og Samhentum.

Fulltrúar nokkurra helstu aðila í sjávarútvegi koma að keppninni.
Fulltrúar nokkurra helstu aðila í sjávarútvegi koma að keppninni. mbl.is/Kristinn Magnússon

Ferð til Boston í sigurlaun

Hnakkaþonið er nú haldið í fjórða sinn og eru 30 nemendur skráðir í keppnina, í alls sex liðum. Til mikils er að vinna því Icelandair Group og sendiráð Bandaríkjanna á Íslandi bjóða sigurliðinu í fimm daga ferð til Boston, á sjávarútvegssýninguna Seafood Expo North America, í mars. Vinningslið Hnakkaþonsins 2018 verður kynnt á verðlaunaathöfn í HR á laugardaginn kl. 16:00.

Einvalalið sérfræðinga skipar dómnefnd Hnakkaþonsins 2018: Björgólfur Jóhannesson forstjóri Icelandair Group, Bylgja Hauksdóttir umboðsaðili North Coast Seafoods Ltd., Gylfi Sigfússon forstjóri Eimskipa, Heiðrún Lind Marteinsdóttir framkvæmdastjóri SFS, Jóhanna Vigdís Guðmundsdóttir framkvæmdastjóri tengsla í HR, Karl Már Einarsson útgerðarstjóri Brims og Þorgeir Pálsson aðjúnkt við viðskiptadeild HR.

Fram kemur í tilkynningu frá Háskólanum í Reykjavík að útflutningur á sjófrystum ufsa til Bandaríkjanna hafi dregist mikið saman undanfarna tvo áratugi. Árið 1999 nam hann yfir 2500 tonnum en í fyrra voru aðeins flutt út um 400 tonn.

Liðin hófust strax handa og munu kynna lausnir sínar á ...
Liðin hófust strax handa og munu kynna lausnir sínar á morgun. mbl.is/Kristinn

Aðallega seldur til Evrópu

„Ein ástæða þess að ufsinn, sem er mjög góður matfiskur, hefur ekki náð fótfestu á neytendamarkaði, er að flökin eru ekki jafn hvít og flök þorsks eða ýsu. Eftir eldun er ufsinn hins vegar mjög hvítur og hann hentar því vel til sölu til hótela og veitingahúsa,“ segir í tilkynningunni.

„Í dag er sjófrystur ufsi aðallega seldur til hótel- og veitingahúsakeðja í Evrópu, til dæmis á Spáni og í Tyrklandi. Úrlausnir geta falið í sér nýjar leiðir í flutningi á markað, þróun sjófrystra afurða, nýjar leiðir við sölu og markaðssetningu, ný markaðssvæði innan Bandaríkjanna eða þróun umbúða.

mbl.is

Bloggað um fréttina

Afurð Dags. Meðalverð
Þorskur, óslægður 15.10.18 297,58 kr/kg
Þorskur, slægður 15.10.18 352,14 kr/kg
Ýsa, óslægð 15.10.18 205,73 kr/kg
Ýsa, slægð 15.10.18 232,83 kr/kg
Ufsi, óslægður 15.10.18 103,11 kr/kg
Ufsi, slægður 15.10.18 124,12 kr/kg
Djúpkarfi 3.10.18 124,00 kr/kg
Gullkarfi 15.10.18 257,87 kr/kg
Blálanga, óslægð 15.10.18 248,67 kr/kg
Blálanga, slægð 15.10.18 231,78 kr/kg

Fleiri tegundir »

15.10.18 Berti G ÍS-727 Landbeitt lína
Þorskur 2.699 kg
Ýsa 1.531 kg
Skarkoli 32 kg
Steinbítur 13 kg
Samtals 4.275 kg
15.10.18 Helga Sigmars NS-006 Landbeitt lína
Þorskur 353 kg
Ýsa 181 kg
Samtals 534 kg
15.10.18 Straumnes ÍS-240 Landbeitt lína
Þorskur 2.007 kg
Ýsa 1.230 kg
Skarkoli 81 kg
Steinbítur 47 kg
Samtals 3.365 kg
15.10.18 Fjóla SH-007 Plógur
Ígulker 2.024 kg
Samtals 2.024 kg

Skoða allar landanir »