Gott að sjá ýsuna rétta úr sér

Heiðrún Lind Marteinsdóttir, framkvæmdastjóri SFS.
Heiðrún Lind Marteinsdóttir, framkvæmdastjóri SFS. mbl.is/Árni Sæberg

Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, áætlar að aukning sú í aflaheimildum sem Hafrannsóknastofnun lagði til í gær geti aukið útflutningsverðmæti heildarsjávarafla um átta til tíu milljarða króna. Matið sé þó ávallt háð nokkurri óvissu, meðal annars vegna gengisþróunar og mögulega breyttra aðstæðna á mörkuðum.

Heiðrún segir ráðgjöfina jákvæða heilt á litið. „Við höfðum gert ráð fyrir þessari litlu aukningu í þorskinum, enda er vöxtur stofnsins afrakstur stefnu um sjálfbæra nýtingu, sem leiðir þá til stöðugrar en lítillar hækkunar ár hvert,“ segir Heiðrún.

Ríflega hækkun aflamarks ýsustofnsins, upp á 40%, segir hún nokkuð óvænta en jákvæða þó. „Við höfum auðvitað séð mjög litla árganga mörg ár aftur í tímann svo það er gott að sjá að stofninn er að rétta verulega úr sér.“

Borgar sig varla lengur að veiða ufsa

„Vonbrigðin eru auðvitað í sumargotssíldinni. Við horfum þarna fram á áframhaldandi sýkingu stofnsins, eins og hefur verið undanfarin ár, og aflamarkið þar með orðið meira en helmingi lægra en það var fyrir aðeins tveimur árum.“

Hækkun aflamarks hvað ufsa varðar, um 30%, segir Heiðrún ánægjulega. „Aðstæður á mörkuðum og skattlagning ríkisins leiða hins vegar til þess að það borgar sig varla lengur að veiða þessa tegund. Í verðmætum talið verður þetta því líklega ekki mikil aukning, því miður.“

Afurð Dags. Meðalverð
Þorskur, óslægður 9.12.18 304,14 kr/kg
Þorskur, slægður 9.12.18 360,79 kr/kg
Ýsa, óslægð 9.12.18 299,73 kr/kg
Ýsa, slægð 9.12.18 292,32 kr/kg
Ufsi, óslægður 9.12.18 127,76 kr/kg
Ufsi, slægður 9.12.18 153,01 kr/kg
Djúpkarfi 6.12.18 307,00 kr/kg
Gullkarfi 9.12.18 325,58 kr/kg
Litli karfi 24.10.18 17,00 kr/kg
Blálanga, óslægð 6.12.18 64,00 kr/kg

Fleiri tegundir »

10.12.18 Öðlingur SU-019 Línutrekt
Þorskur 9.962 kg
Samtals 9.962 kg
9.12.18 Vigur SF-080 Lína
Ýsa 791 kg
Þorskur 555 kg
Ufsi 86 kg
Langa 31 kg
Keila 16 kg
Steinbítur 8 kg
Samtals 1.487 kg
9.12.18 Finnbjörn ÍS-068 Dragnót
Ýsa 980 kg
Skarkoli 895 kg
Þorskur 261 kg
Ufsi 24 kg
Þykkvalúra / Sólkoli 8 kg
Samtals 2.168 kg

Skoða allar landanir »