Skemmdir á skrúfu Núps

Útlit er fyrir að skemmdir hafi orðið á skrúfu línubátsins Núps sem strandaði í fjörunni norðvestur af Patreksfirði í gærkvöldi. Til stendur að draga Núp til Hafnarfjarðar til viðgerðar fljótlega.

Þetta kemur fram í frétt á vef Odda hf., útgerðarfélags Núps.

Frétt af mbl.is

Tókst að losa Núp af strandstaðnum

Við skoðun sem fram fór í Patreksfjarðarhöfn í dag kom í ljós skemmd á skrúfu. Skemmdir á botni Núps eru litlar.

Varðskipið Þór dró Núp af strandstað um kl. 9:16 í morgun. Björgunarskipið Vörður tók síðan við og dró Núp til Patreksfjarðarhafnar þar sem botn og skrúfa voru skoðuð.

„Til allrar hamingju slasaðist enginn en aðstæður voru hinar bestu, logn og sjólaust. Oddi hf. vill koma á framfæri þökkum til allra sem komu að björgunaraðgerðum,“ segir á vef Odda.

• Blogga um frétt