Verður gefist upp á leitinni í dag?
Setja bókamerki
Síðasta loðnuleitarleiðangrinum er lokið eftir að Polar Amaroq kom til hafnar í Reykjavík í gærkvöldi. Skipið hafði þá leitað í rúma viku umhverfis landið, en ekki fannst nægt magn af loðnu til að réttlæta að Hafrannsóknastofnun ráðleggi útgáfu aflaheimilda.
Þetta staðfestir Þorsteinn Sigurðsson, sviðsstjóri uppsjávarlífríkis hjá Hafrannsóknastofnun, í samtali við 200 mílur.
„Það hefur ekkert fundist sem breytt getur því sem áður hefur verið sagt varðandi ráðgjöf. Einhverjar torfur hafa sést en það hefur ekki breytt neinu í þessu stóra samhengi sem við erum að vinna í.“
„Tíminn er að hlaupa frá okkur“
Tekin verður ákvörðun um hvort haldið skuli áfram leit að loðnu á fundi með útgerðarmönnum síðar í dag.
„Það er þá hvort við gefumst endanlega upp eða hvort meira verði reynt. En tíminn er að hlaupa frá okkur.“
Loðnan er byrjuð að hrygna og nær hún hámarki sennilega í næstu viku. Hrygningarstöðvar loðnunnar sem gengur réttsælis og var fyrir Suðurlandi um daginn eru í Faxaflóa og Breiðafirði. Þar með lýkur æviskeiði nánast allrar loðnunnar sem drepst við hrygninguna. Fyrir norðan eru einhverjar hreytur af loðnu sem hrygnir seinna og getur hún verið að hrygna fram á vor.
Vesturgöngur loðnu hafa gengið andsælis og andstreymis. Þeim hefur verið fylgt alveg suður fyrir Reykjanes. Sú loðna kemur seinna upp að landinu en aðalgangan og virðist stytta sér leið á hrygningarstöðvar.
Sveitarfélögin sem verða fyrir mesta áfallinu vegna yfirvofandi loðnubrests hafa beðið með að taka upp fjárhagsáætlanir sínar þangað til afdrif loðnunnar verða fullráðin. Sveitarstjórnirnar eru byrjaðar að undirbúa aðgerðir.
Lögreglan leitar eftir myndefni í tengslum við andlátið
Of margir nemendur og ákall um hæft starfsfólk
Quang Le: „Rottuskíturinn kom mér á óvart“
Davíð Viðarsson var skyndihugdetta
740 milljón króna sígarettusmygl
Eina leiðin var að fella björninn
Vangaveltur gengu lengra en innistæða var fyrir
Algeng laun 1,4 til 2,2 milljónir