Segja að veiðileyfi Hvals hf. hafi runnið út

Jarðvinir hafa lagt fram nýja kæru á hendur Hval hf. vegna þess sem samtökin telja að séu ólöglegar veiðar á langreyði. Jarðvinir telja að veiðileyfi Hvals hafi runnið út þegar ekkert var veitt á árunum 2016 og 2017 og því hefði þurft að endurnýja það.

Fyrst var greint frá kærunni á vef RÚV. Ragnar Aðalsteinsson, lögfræðingur Jarðvina, staðfestir þetta í samtali við mbl.is. Hann bendir á að ef ekkert sé veitt í 12 mánuði renni leyfi út.

Frétt af mbl.is

Meint brot Hvals áfram til rannsóknar

Leyfi Hvals hafi verið fyrir tímabilið 2014 til 2018.

Greint var frá því fyrir skemmstu að ríkissaksóknari hefði fellt úr gildi ákvörðun lögreglustjórans á Vesturlandi um að hætta rannsókn á meintum brotum Hvals hf. á ákvæðum reglu­gerðar um yf­ir­byggðan skurðarflöt og lagt fyr­ir að sá hluti kæru Jarðar verði tek­inn til áfram­hald­andi rann­sókn­ar.

Rík­is­sak­sókn­ari staðfesti ákvörðun lög­reglu­stjór­ans á Vest­ur­landi um að hætta rann­sókn á þeim hlut­um máls­ins sem verða veiði á blend­ings­hval og skut­ul­byss­ur Hvals hf., en felldi eins og fyrr seg­ir úr gildi ákvörðun um að hætta rann­sókn á ákvæðum reglu­gerðar um yf­ir­byggðan skurðarflöt.

Ragnar kvaðst ekki vita hver staðan væri á málunum sem væru til rannsóknar.

• Blogga um frétt