Halda leyfi fyrir 4.000 tonna eldi
Setja bókamerki
Úrskurðarnefnd umhverfis- og auðlindamála hefur hafnað kröfu um ógildingu ákvörðunar Matvælastofnunar frá 22. desember 2017 um að veita Arctic Sea Farm hf. rekstrarleyfi fyrir 4.000 tonna ársframleiðslu á laxi eða regnbogasilungi í sjókvíum í Dýrafirði.
Kröfu um ógildingu gerðu m.a. Náttúruverndarsamtök Íslands, náttúruverndarfélagsins Laxinn lifi og veiðiréttarhafa í Haffjarðará og Laxá á Ásum, en þessir aðilar voru ekki taldir eiga aðild að málinu. Aðrir kærendur sem voru einstaklingar og veiðiréttarhafar á Vestfjörðum, voru hins vegar taldir eiga aðild á grundvelli laga um úrskurðarnefnd umhverfis- og auðlindamála.
Í niðurstöðu nefndarinnar segir að útgáfa leyfisins fari ekki gegn markmiðsákvæðum laga um fiskeldi eða ákvæðum náttúruverndarlaga. Nefndin taldi að málsmeðferð stofnunarinnar við útgáfu leyfisins hafi verið í samræmi við lög sem um útgáfuna gilda.
Úrskurð úrskurðarnefndar umhverfis- og auðlindamála í heild sinni má finna hér.
Of margir nemendur og ákall um hæft starfsfólk
Tveir í haldi grunaðir um mansal og smygl á fólki
Maðurinn sem leitað var að fannst látinn
Komu saman á kyrrðar- og bænastund
Eðlileg viðbrögð að fella tár
Grænlendingar vildu ekki fá björninn til baka