Fiskistofa hefur úthlutað aflahlutdeild í makríl og aflamarki til báta og skipa í kjölfarið, en áður hafði stofan framkvæmd bráðabirgðaúthlutun fyrir 80% af ætluðu aflamarki.  

Úthlutunin nú er endanleg þar sem búið er að taka tillit til athugasemda sem bárust fyrir 10. júlí, en bent er á þetta á vef Landssambands smábátaeigenda.

Í B-flokki úthlutunarinnar eru alls 480 bátar, það eru þeir sem höfðu veiðireynslu á árabilinu 2009 -2018. Af þeim eru 377 sem fá minna en tonn í úthlutun, en 34 sem fá meira en 30 tonn.

Aflahlutdeild færabáta er 2,24% sem færir þeim 2.857 tonn í veiðiheimildir á vertíðinni sem nú stendur yfir.  Við þær heimildir bætist 4.000 tonna pottur sem eyrnamerktur er smábátum.

Viðbótarkvótinn komi sér vel 

Segir á vef LS að gera megi ráð fyrir að um eitt hundrað bátar séu útbúnir til færaveiða á makríl og því ljóst að viðbótarkvóti upp á 4.000 tonn eigi eftir að koma sér vel fyrir aðila sem hafa hug á að hefja veiðar.   

Umsóknir sem berast fyrir miðnætti hvers föstudags eru afgreiddar í næstu viku þar á eftir, en hámarksúthlutun hverju sinni eru 35 tonn.

Sambandið vekur athygli á að þeir bátar sem enga úthlutun hafa fengið þurfa að flytja til sín aflamark til að geta hafið veiðar og öðlast þá samtímis rétt til að fá úthlutað viðbótakvóta.

Frétt af mbl.is

Eltast við feitan, stóran og brellinn makríl

Tengdar fréttir

Smábátaveiðar

Ráðgjöfin sögð æra óstöðugan

• Ánægður með nýja Sigrúnu Björk ÞH
• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði

» Fleiri tengdar fréttir

• Blogga um frétt