Útgerðir FISK Seafood og  Soffaníasar Cecilssonar í Grundarfirði tóku í dag við tveimur skipum sem leysa eldri skip af hólmi. Nýju bátarnir, Farsæll SH-30 og Sigurborg SH-12, komu til Grundarfjarðar laust eftir hádegi í dag og tók fjölmenni þar á móti skipunum og áhöfnum þeirra.

Skipin, sem keypt voru af Gjögri hf.,  verða gerðir út frá Grundarfirði og er þeim fyrst og fremst ætlað að sinna veiðum á sólkola, skarkola, steinbít og fleira sjávarfangi.  – Farsæll, skip frá 2009, hét í eigu fyrri útgerðar Áskell EA og er 362 brúttótonn. Sigurborgin, pólsk smíði frá 2006, var áður Vörður EA og er 485 brúttótonn.

 Í tilefni skipakomunnar er efnt til kaffisamsætis í húsakynnum Soffaníasar Cecilssonar  hf. í dag og þangað var Grundfirðingum og öðrum Snæfellingum boðið. Þar var skipakomunum fagnað, enda var þetta stór dagur í útgerðarsögu bæjarins. 

„Þetta eru tveir smáir en knáir trollbátar  sem vonandi munu gera okkur kleift að sækja á fleiri mið en fyrr, fjölga aflategundum og auka um leið rekstraröryggið. Það er ekki síður mikilvægt að aðbúnaður áhafnanna batnar til muna og öryggið um borð tekur miklum framförum frá því sem var á eldri bátunum,“ segir Friðbjörn Ásbjörnsson, framkvæmdastjóri FISK Seafood og Soffaníasar Cecilssonar.

Reiknað er með að gamli Farsæll SH og Sigurborg SH, sem nú víkja fyrir yngri skipum, verði seld og ef ekki fari þau í pottinn.

Tengdar fréttir

FISK Seafood

Samfélagssporið jókst um 20% milli ára

• Höfnin stendur samkeppnishæfni fyrir þrifum
• Kaupa 100 tonna kvóta af Saltveri
• 300 milljóna króna afla landað á Sauðárkróki
• Ný ytri höfn forsenda uppbyggingar

» Fleiri tengdar fréttir

• Blogga um frétt