Rafrænt eftirlit ekki fullkomin lausn
Setja bókamerki
Tengdar fréttir
Eftirlit með veiðum
Erfiðlega hefur gengið að skrásetja raunverulegt umfang brottkasts, að því er fram kom í máli Jónasar R. Viðarsonar, faglegs leiðtoga á sviði rannsókna og nýsköpun hjá Matís. En hann var einn frummælenda á málstofu um rafvætt eftirlits með fiskveiðum á sjávarútvegsráðstefnunni sem haldin er í Hörpu í dag og á morgun.
Rafrænt eftirlit snýr að því að komið verði upp myndavélum, gps tækjum og nemum sem geta fylgst með veiðum og brottkasti til þess að efla eftirlit til muna. Benti Jónas á að að kostnaður við rafrænt eftirlit er mun minna en ella. Til mynda hafa rannsóknir sýnt að kostnaður við eftirlit með 100% af fiskiflota gæti kostað 102 til 247% meira sé það framkvæmt með eftirlitsmönnum í stað rafræns búnaðar.
Þá hefur um 1.200 kerfum verið komið upp á heimsvísu til þessa. Flest þeirra eru í Bandaríkjunum og eru þau yfir fimm hundruð þar í landi. Þá hefur mælst verulegur ábati af rafrænu eftirliti, að sögn Jónasar.
Hann sagði helstu kosti slíkra kerfa vera að þau geta veitt eftirlit á öllum bátum og skipum sem stunda veiðar. Einnig sé eftirlitið tengt staðsetningarbúnaði sem getur kortlagt nákvæmlega hvar atvik eiga sér stað auk þess sem eftirlitsbúnaðurinn sé ávallt hlutlaus í störfum.
Hins vegar getur slíkur búnaður ekki greint innihald í maga fisks eða aðra þætti sem hægt er að skoða þegar mannshendur eru annars vegar, útskýrði Jónas og benti á að ávallt mun þurfa fólk til þess að meta gögnin sem búnaðurinn býr til. Þá þarfnast slíkt eftirlit talsvert tæknilegt utanumhald auk þess sem það þurfi talsverða fjárfestingu í upphafi. Að lokum benti hann á að einnig sé álitamál hvort rafrænt eftirlit uppfylli persónuverndarkröfur.
Myndgreiningartækni gerir mistök
Tölvur eru mjög góðar til þess að greina mynstur en gervigreind getur einnig átt í erfiðleikum við að greina myndefni með nægilega mikilli nákvæmni, sagði Leifur Magnússon, sviðsstjóri upplýsingatækni hjá Fiskistofu, í erindi sínu.
Þá spurði hann hvort það væri ekki óskandi að gervigreind gæti komið auga á brottkast, slökkt á vél bátar og hringt í Landhelgisgæsluna, en svaraði sjálfur að vandinn felst í að myndgreiningartækni gervigreindar geri enn mörg mistök auk þess sem myndgæði getur orðið erfitt viðfangsefni á sjó.
Leifur útilokaði þó ekki að við ákveðnar aðstæður getur slík tækni hentað vel. „En eins og staða tækninnar er nú mun hún ekki getað komið í stað eftirliti manna,“ sagði hann og benti meðal annars á að myndavélar geta átt erfitt með að greina vigt á grundvelli mynda auk tegunda.
Árangurinn háð tilgangi
Kristian S Plet-Hansen, hjá hafrannsóknastofnun Tækniháskóla Danmörku, kynnti á málstofunni rannsóknir og tilraunir gerðar hafa verið með rafvætt eftirlit fiskveiða í Danmörku, en fyrstu prófanir fóru fram árin 2008 til 2009. Fjallaði hann þó sérstaklega um reynslu áranna 2010 til 2016 þegar tóku 12 til 24 skip og bátar þátt á tímabilinu.
Í upphafi tók nokkurn tíma að vinna úr þeim gögnum sem bárust í gegnum kerfið þar sem þurfti mannsaugu til þess að mæla lengd og greina tegund. Hins vegar hafi farið að draga verulega úr þeim tíma sem hvert mál krafðist eftir hugbúnaðaruppfærslu, að sögn Plet-Hansen.
Þá benti hann á að sumar áætlanir gera ráð fyrir að það myndi kosta um 4,9 milljónir evra, jafnvirði 676 milljónir íslenskra króna, að koma fyrir búnaði í 400 skip eða báta. En eftir að honum væri komið fyrir gæti árlegur rekstrarkostnaður verið um 1,7 milljónir evra, jafnvirði 235 milljónir íslenskra króna. Sagði Plet-Hansen þennan kostnað mjög lítinn borin saman við kostnað sem sambærilegt eftirlit myndi kosta ef það yrði framkvæmt af fólki.
Árangurinn og þar af leiðandi hagkvæmnin sem felst í rafrænu eftirliti er háð því hvert markmið þess er, að sögn Plet-Hansen sem vísaði til þess að veiðifæri, hvort færiband sé til staðar eða ekki og tegundir sem veiddar hefur allt áhrif á hver afköst búnaðarins er.
Tengdar fréttir
Eftirlit með veiðum
Þyrla Gæslunnar sinnti óvenjulegu verkefni
Vangaveltur gengu lengra en innistæða var fyrir
Gerðu umfangsmiklar loftárásir á Líbanon
Mikill útflutningur frá Vestfjörðum
Íslensk hljómsveit margritskoðuð í Kína
Fjöldi í varðhaldi – mikið haldlagt á árinu