Eimskip áætlar yfir 100 milljóna ágóða af útleigu

Skrifstofur Eimskips að Korngörðum 2, þar sem helsta yfirstjórn félagsins hefur aðsetur, hafa verið auglýstar til leigu. Um er að ræða 3.230 fermetra þar sem vinnuaðstaða er fyrir 150 til 200 einstaklinga.

Er þetta í samræmi við áform sem lýst var í kynningu uppgjörs félagsins fyrir annan ársfjórðung, en þar segir að stefnt sé að því að fækka fermetrum undir skrifstofurekstur félagsins um 50% með því að færa yfirstjórn á skrifstofur á efri hæð vöruhótelsins í Sundahöfn.

Áætlað er að ágóði Eimskips af útleigu Korngarða 2 og lækkun rekstrarkostnaðar vegna breytinganna geti orðið 100 til 125 milljónir króna á ári. Þá er einnig talið að með því að sameina starfsemi félagsins á einn stað verði hægt að tryggja aukna samþættingu, aukið samstarf og styttri boðleiðir, að því er segir í kynningunni.

• Blogga um frétt