Fátítt að ríkisstofnun fækki svona mikið
Setja bókamerki
Alls hafa fjórtán látið af störfum hjá Hafrannsóknarstofnun í dag. Tíu var sagt upp og fjórir úr yfirstjórninni sögðu upp.
Þetta staðfestir Sigurður Guðjónsson, forstjóri stofnunarinnar.
„Við buðum þeim að starfa áfram sem sérfræðingar en þau vildu fara. Það var svo sem alveg fullur skilningur á því,“ segir hann um þá sem sögðu upp. Þau tíu sem fengu uppsagnarbréfið störfuðu flest í stoðþjónustu en innan hennar er fjármálarekstur.
Spurður út í ástæðurnar fyrir uppsögnunum og skipulagsbreytingunum segir Sigurður að Hafró vilji gera yfirstjórnina skilvirkari og hagkvæmari. Flutningur stofnunarinnar í Hafnarfjörð strax eftir áramót spilar einnig inn í en þar fer starfsemin öll á einn stað. Við það þurfi færra fólk vegna aukinnar hagkvæmni. Nýtt móttökukerfi tengt nýja húsinu fækkar einnig störfum.
Rannsóknarstarfinu hlíft
Að sögn Sigurðar er rannsóknarstarfinu að meginleyti hlíft í þessum aðgerðum, enda hafi stjórnvöld talað um að efla bæði haf-, og umhverfisrannsóknir. Það hafi þau að nokkru leyti staðið við. Aðspurður segir hann aðgerðirnar ekki veikja stofnunina að verulegu marki. „Það sleppur til en við vildum ekki tálga okkur meira.“
Tæplega 200 manns starfa hjá Hafrannsóknarstofnun. Sigurður nefnir að það sé fátítt að ríkisstofnun fækki starfsmönnum svona mikið en tekur fram að Hafró sé stór stofnun og talan hlutfallslega ekki mjög há. „Þetta er búinn að vera erfiður dagur og það er alltaf erfitt að segja upp fólki og kveðja gott samstarfsfólk,“ bætir hann við.
Eins og mbl.is hefur áður greint frá verður umhverfissviðið lagt niður. Starfsemin hættir þó ekki heldur verður hún „samþætt enn betur með líffræðinni og fiskifræðinni þannig að það verði gott streymi þar á milli,“ að sögn Sigurðar.
Í stað sviðs sem kallast uppsjávarlífríki tekur við uppsjávarsvið og flytjast þangað inn umhverfisrannsóknir ásamt efna- og eðlisfræði. Nýr sviðsstjóri verður ráðinn þangað í stað Þorsteins Sigurðssonar sem var á meðal þeirra sem sögðu upp í dag.
Velferð ekki gefin
Konur álitnar annars flokks borgarar
/frimg/1/50/8/1500878.jpg)
Yazan verður ekki fluttur úr landi
Saka Ísraela um fjöldamorð
97 aðgerðir hafa neikvæð áhrif
Er 83% skattur á hagnað hæfilegur?
Sýklalyfjaónæmi vaxandi vandamál