Sjófarendur taka veikindi um borð alvarlega
Setja bókamerki
Tengdar fréttir
Kórónuveiran Covid-19
Álag á stjórnstöð Landhelgisgæslunnar hefur aukist síðustu daga og fjölmargar tilkynningar borist um veikindi sjófarenda. Áhafnir gæta fyllstu varúðar og eru varar um sig ef vart verður við veikindi um borð í skipum. Þetta kemur fram í tilkynningu frá Landhelgisgæslunni.
Varðstjórar hafa því verið milliliðir við hafnir, sóttvarnalækni, lögreglu og heilbrigðisyfirvöld á hverjum stað og leiðbeint áhöfnum báta og skipa vegna slíkra mála.
Landhelgisgæslan segir afar jákvætt að skipverjar séu á varðbergi ef grunur er um smit um borð. Varðstjórar stjórnstöðvar hafa staðið frammi fyrir ýmsum nýjum áskorunum sem krefjast aukins samstarf við fjölmarga aðila og hefur samstarfið verið til fyrirmyndar.
Varðskipin Þór og Týr eru bæði við eftirlit á hafinu. Ferðir varðskipanna voru lengdar í síðasta mánuði úr þremur vikum í fimm. Úthald Týs hefur til að mynda staðið yfir í mánuð og lýkur ekki fyrr en í næstu viku en þá hefur varðskipið Þór verið í tvær vikur á sjó.
Þyrlusveit Landhelgisgæslunnar náði í möguleg COVID-19-sýni til Vestmannaeyja um síðustu helgi og áhafnir loftfara Landhelgisgæslunnar eru til taks ef flytja þarf COVID-19-smitaða á sjúkrahús í Reykjavík.
Tengdar fréttir
Kórónuveiran Covid-19
Tveir í haldi grunaðir um mansal og smygl á fólki
Björninn sagður nálægt byggð
Quang Le: „Rottuskíturinn kom mér á óvart“
Of margir nemendur og ákall um hæft starfsfólk
740 milljón króna sígarettusmygl
Rannsóknin skýrist með hverjum degi
Vangaveltur gengu lengra en innistæða var fyrir