Forsvarsmenn Herjólfs ohf. leita nú allra leiða til að tryggja samgöngur á milli lands og Eyja þannig að fólk og aðföng geti komist þar á milli. Þetta segir Guðbjartur Ellert Jónsson, framkvæmdastjóri Herjólfs.

Tveggja daga vinnustöðvun félagsmanna Sjómannasambandsins, sem eru í áhöfn Herjólfs, hefur staðið yfir frá því á miðnætti og verði enn ósamið leggja starfsmenn niður störf í þrjá daga í næstu viku, frá þriðjudegi til fimmtudags.

Frétt af mbl.is

Tveir sólarhringar án siglinga

Guðbjartur bendir á að skipverjar Herjólfs séu í fleiri stéttarfélögum og nýverið hafi verið samið við félagsmenn Sjómannafélagsins Jötuns um kjarasamning sem byggður er á lífskjarasamningunum svokölluðu. Spurður hvort til greina komi að hefja siglingar á einhvern hátt þrátt fyrir að á verkfallinu standi, vill hann ekki útiloka það án þess þó að gangast við því.

„Það er auðvitað lögmætt verkfall í gangi, en það breytir því ekki að það eru starfsmenn hjá félaginu sem sinna þessum störfum og eru ekki í verkfalli. Við höfum skyldur gagnvart þessu fólki og eins samfélaginu sem við búum í.“

Guðbjartur Ellert Jónsson, framkvæmdastjóri Herjólfs ohf. mbl.is/Óskar Pétur Friðriksson

Hann segir að ekki sé hægt að láta núverandi ástand viðgangast og því séu ýmsir hlutir til skoðunar. „Það yrði ekki látið viðgangast lengi ef þjóðvegur 1 væri rofinn eða mikilvægar samgöngur innan höfuðborgarsvæðisins eða til annarra bæja.“

Bergur Þorkelsson, formaður Sjómannafélags Íslands, segir í samtali við mbl.is að hann hafi enga trú á því að reynt verði að sigla hvorki nýja né gamla Herjólfi meðan á verkfalli stendur. „Það hlýtur að vera kjaftasaga,“ segir hann. Hann furðar sig þó á því að ekki hafi verið boðað til annars fundar í kjaradeilunni en hann hafi fengið þær upplýsingar frá ríkissáttasemjara að Samtök atvinnulífsins, sem fara með samningsumboð fyrir Herjólf, hafi ekki séð neina ástæðu til að funda. „Það finnst mér mjög skrítið að menn sjái enga ástæðu til þess.“

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

Herjólfur

Gamli Herjólfur rétt ókominn til Eyja frá Færeyjum

• Herjólfur fer í slipp og sá gamli mun taka við
• „Mjög alvarleg bilun“
• Nýr samningur gerður um Herjólf
• Telur aðbúnað við Herjólf vítaverðan

» Fleiri tengdar fréttir

• Blogga um frétt