Dýpka fyrir nýju gámaskipin

Dettifoss leggst að Sundabakka í fyrstu ferð sinni til landsins. …
Dettifoss leggst að Sundabakka í fyrstu ferð sinni til landsins. Viðey sést í bakgrunni en dýpkað verður í sundinu sem kennt er við eyjuna. mbl.is/Arnþór

Faxaflóahafnir ætla á næstunni að ráðast í dýpkunarframkvæmdir á Viðeyjarsundi, utan Vatnagarða og nýs Sundabakka. Skip Eimskips leggjast að þessum bakka og þar sem félagið er að taka í notkun ný og stór flutningaskip er talið nauðsynlegt að tryggja 10,7 metra dýpi á snúningssvæði fyrir skipin fyrir utan bakkann.

Sem kunnugt er af fréttum er það fyrra af tveimur stórum gámaskipum Eimskips, Dettifoss, komið í þjónustu félagsins. Seinna skipið, Brúarfoss, er væntanlegt til landsins síðar á árinu. Þetta eru stærstu skip íslenska kaupskipaflotans, 180 metra löng og 31 metri á breidd. Þau mælast 26.169 brúttótonn og rista fullhlaðin rétt rúmlega 10 metra.

Þær upplýsingar fengust hjá Faxaflóahöfnum að stefnt væri að því að auglýsa útboð í september nk. og verkið yrði svo unnið næsta vetur.

Fjarlægja laust efni

Skipulagsstofnun hefur tekið ákvörðun um að fyrirhuguð dýpkun skuli ekki háð mati á umhverfisáhrifum. Fram kemur að framkvæmdin felist að langmestu leyti í því að fjarlægja laust efni en búast megi við klöpp á afmörkuðu svæði í jaðri dýpkunarsvæðisins. Að öllum líkindum verður notuð grafa á pramma til dýpkunar en þó gæti verið að dæluskip yrði notað sem losar efni í einum klumpi eins og um pramma væri að ræða, en það veldur minni gruggmyndun en þegar efni er dælt úr skipi. Klöppin verður fleyguð eða sprengd.

Dýpkunarefnið verður losað í aflagða efnisnámu á hafsbotni suðaustur af Engey en þar hefur verið losað efni síðan árið 2005. Alls hafa þegar verið haugsettir rúmlega 1.000.000 rúmmetrar af dýpkunarefni í þessa námu sem hætt var að nýta til efnistöku fyrir meira en 20 árum.

mbl.is/Arnþór

Botninn myndaður úr setlögum 

Í framlögðum gögnum Faxaflóahafna kemur fram að botn á fyrirhuguðu dýpkunarsvæði sé að mestu leyti myndaður úr setlögum. Áður hefur verið dýpkað á stærstum hluta svæðisins og hefur botni því þegar verið raskað. Árið 2016 voru tekin sýni úr botni á svæðinu og styrkur mengunarefna greindur í samræmi við áætlun sem Umhverfisstofnun samþykkti. Teknir voru borkjarnar og efni greint af mismunandi dýpi. Samkvæmt niðurstöðum greininga á þungmálmum og PCB-efnum úr efsta hluta setlaganna innan fyrirhugaðs dýpkunarsvæðis eru efnin á fyrirhuguðu dýpkunarsvæði í flokkum I-III en efni í þeim flokkum má almennt séð varpa í hafið samkvæmt leiðbeinandi reglum um dýpkunarefni sem Umhverfisstofnun hefur gefið út. Ljóst sé að efnið sem losað verður er lítið mengað og ekki þörf á að meðhöndla það sérstaklega áður en því er varpað í hafið. Ekki verði dýpkað á svæðum þar sem mengun kann að vera meiri.

Ákvörðun Skipulagsstofnunar má kæra til úrskurðarnefndar umhverfis- og auðlindamála og er kærufrestur til 7. september 2020.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Afurð Dags. Meðalverð
Þorskur, óslægður 18.9.24 562,66 kr/kg
Þorskur, slægður 18.9.24 601,90 kr/kg
Ýsa, óslægð 18.9.24 244,93 kr/kg
Ýsa, slægð 18.9.24 294,73 kr/kg
Ufsi, óslægður 18.9.24 221,87 kr/kg
Ufsi, slægður 18.9.24 284,83 kr/kg
Djúpkarfi 12.9.24 378,00 kr/kg
Gullkarfi 18.9.24 275,37 kr/kg
Litli karfi 16.9.24 10,34 kr/kg
Blálanga, óslægð 18.9.24 314,00 kr/kg

Fleiri tegundir »

18.9.24 Hópsnes GK 77 Línutrekt
Þorskur 156 kg
Ýsa 96 kg
Hlýri 57 kg
Steinbítur 23 kg
Keila 10 kg
Samtals 342 kg
18.9.24 Eskey ÓF 80 Línutrekt
Þorskur 4.401 kg
Ýsa 2.351 kg
Steinbítur 13 kg
Hlýri 3 kg
Samtals 6.768 kg
18.9.24 Óli Á Stað GK 99 Línutrekt
Þorskur 461 kg
Ýsa 181 kg
Steinbítur 37 kg
Hlýri 29 kg
Keila 8 kg
Samtals 716 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 18.9.24 562,66 kr/kg
Þorskur, slægður 18.9.24 601,90 kr/kg
Ýsa, óslægð 18.9.24 244,93 kr/kg
Ýsa, slægð 18.9.24 294,73 kr/kg
Ufsi, óslægður 18.9.24 221,87 kr/kg
Ufsi, slægður 18.9.24 284,83 kr/kg
Djúpkarfi 12.9.24 378,00 kr/kg
Gullkarfi 18.9.24 275,37 kr/kg
Litli karfi 16.9.24 10,34 kr/kg
Blálanga, óslægð 18.9.24 314,00 kr/kg

Fleiri tegundir »

18.9.24 Hópsnes GK 77 Línutrekt
Þorskur 156 kg
Ýsa 96 kg
Hlýri 57 kg
Steinbítur 23 kg
Keila 10 kg
Samtals 342 kg
18.9.24 Eskey ÓF 80 Línutrekt
Þorskur 4.401 kg
Ýsa 2.351 kg
Steinbítur 13 kg
Hlýri 3 kg
Samtals 6.768 kg
18.9.24 Óli Á Stað GK 99 Línutrekt
Þorskur 461 kg
Ýsa 181 kg
Steinbítur 37 kg
Hlýri 29 kg
Keila 8 kg
Samtals 716 kg

Skoða allar landanir »