Málið á borði héraðssaksóknara

„Það eina sem við getum sagt í þessu er að við höfum fengið erindi frá Umhverfisstofnun vegna málsins,“ segir Ólafur Þór Hauksson héraðssaksóknari, í samtali við mbl.is. Vísar hann þar til umfjöllunar fréttaskýringarþáttsins Kveiks um Eimskip, sem sýnd var á Ríkisútvarpinu í gær. 

Í þættinum kemur fram að fyr­ir­tækið hefði losað skip­in Lax­foss og Goðafoss í gegn­um fyr­ir­tækið GMS, sem er stórt alþjóðafyr­ir­tæki sem sér­hæf­ir sig í því að vera milliliður. Þannig kaup­ir GMS skip og sel­ur áfram til niðurrifs í Asíu. Um­rædd skip voru end­urunn­in á Indlandi. Er þetta talið vera mögulegt brot á Basel samningnum. 

Frétt af mbl.is

Gengi bréfa Eimskips lækkar talsvert

Málið í hefðbundnum farvegi

Spurður hvar málið sé statt hjá embætti Héraðssaksóknara segir Ólafur að unnið sé samkvæmt hefðbundnu verklagi. „Málið er í hefðbundnum farvegi hjá okkur,“ segir Ólafur sem kveðst ekki vilja tjá sig frekar um málið. 

Frétt af mbl.is

Vilja rannsókn á meintum brotum Eimskipa

Að því er fram kom í þætti Kveiks í gær geta brot Eimskips varðað háum fjársektum eða allt að fjögurra ára fangelsi. Að því er fram hefur komið í samtölum mbl.is við málsmetandi aðila er líklegt að fjársektum verði beitt finnist forsvarsmenn Eimskips sekir. Erfitt er þó að fullyrða um slíkt á þessu stigi málsins. 

• Blogga um frétt