Greiningarfyrirtækið Jakobsson Capital metur virði sjávarútvegsfyrirtækisins Brims á 75,3 milljarða króna. Þetta kemur fram í verðmati sem JC sendi frá sér 7. október síðastliðinn. Núverandi markaðsvirði fyrirtækisins er hins vegar 85,9 milljarðar króna og því er það 14% yfir metnu virði félagsins í fyrrnefndri greiningu.

Þegar verðmatið var gefið út var verðmatið hins vegar um 6% lægra en markaðsvirðið á þeim tíma. Í greiningunni er talsvert fjallað um þær miklu breytingar sem hafa orðið á starfsemi Brims á undanförnum misserum, m.a. þær sem tengjast kaupum á sölufélögum erlendis og mikilli fjárfestingu í Grænlandi gegnum kaup á Arctic Prime Fisheries. Bendir höfundur greiningarinnar á að oft sé „erfitt að komast yfir ársreikninga og engar rekstraráætlanir eða vísbendingar um væntingar stjórnenda um tekjur og rekstrarhagnað.“

Hátt bókfærðar aflaheimildir

Það sem helst hefur áhrif á verðmatið er sú skoðun höfundar að íslenskar aflaheimildir séu afar hátt bókfærðar, og að verð þeirra sé „langtum hærra en ávöxtun vænts sjóðstreymis“.

Jakobsson Capital bendir á að mikil óvissa sé samfara rekstri sjávarútvegsfyrirtækja um þessar mundir, fiskisjúkdómar, sveiflur í ástandi fiskistofna, pólitísk umræða um veiðigjöld og nýtingu sjávarafurða, auk óvissu vegna gengissveiflna og sveiflna í olíuverði geri fjárfestingu í sjávarútvegi áhættusama. Bendir höfundur verðmatsins m.a. á að ef EBITDA-hlutfall fyrirtækisins hækkar um 10% miðað við fyrirliggjandi rekstraráætlun hækki verðmatsgengi úr 39,8 í 50,4. Með sama hætti gætu versnandi rekstrarskilyrði, t.d. vegna kórónuveirunnar, fært verðmatsgengið niður í 29,2.

Frétt af mbl.is

Brim hagnaðist um 813 milljónir

Tengdar fréttir

Brim

Stærsta skip flotans heitir nú Þerney

• Brim fjárfesir í vistvænum krapavélum
• Stjórn Brims helst óbreytt
• Hagnaður Brims dróst saman um 20%
• Brim seldi nýkeypt skip vegna veiðibanns

» Fleiri tengdar fréttir