Gildi lífeyrissjóður eignaðist um 5,5% hlut í Icelandic Salmon AS (Arnarlax) í hlutafjárútboði félagsins. Alls keypti Gildi hluti fyrir 2,9 milljarða íslenskra króna eða um 30% hlutanna sem voru til sölu. Þá keypti sjóðstýringafyrirtæki Arion banka, Stefnir, hluti fyrir rúmlega milljarð.

Í heild seldust 5,6 milljónir hluta í Icelandic Salmon í útboðinu fyrir samtals 647 milljónir norskra króna jafnvirði 9,6 milljarða íslenskra króna, að því er fram kemur í tilkynningu Salmar, móðurfélags Icelandic Salmon, til norsku kauphallarinnar.

Gert er ráð fyrir að nýta fjármagnið til frekari uppbyggingu starfsemi Icelandic Salmon hér á landi, meðal annars með uppfærslu búnaðar í sláturhúsi félagsins á Bíldudal.

Frétt af mbl.is

Gildi kaupir í fiskeldi fyrir 3 milljarða

Til sölu voru 4.347.826 nýir hlutir í Icelandic Salmon auk 1.281.518 hlutir sem hluthafar lögðu í útboðið. Félag Kjartans Ólafssonar, stjórnarformanns Icelandic Salmon, Gyða ehf. seldi 281.518 hluti og á félgið nú 3,2% hlut í Icelandic Salmon. Það var síðan norska Pactum AS sem seldi milljón hluti og á það félag nú um 2,7% í félaginu.

Útboðið er hluti af áætlun um að skrá félagið á Merkur-markað kauphallarinnar í Osló.  Þá segir í tilkynningu Salmar að útboðið hafi verið vel heppnað og að gert sé ráð fyrir að viðskipti með bréf Icelandic Salmon á markaði geti hafist 27. október.

Tengdar fréttir

Fiskeldi

Mikill útflutningur frá Vestfjörðum

• Akureyringar taka ekki afstöðu
• Lagareldisfrumvarpið ekki lagt fram
• Þróa aðferð til framleiðslu á geldlaxi
• Stórfellt laxeldi áformað

» Fleiri tengdar fréttir

• Blogga um frétt