Hafrannsóknastofnun hefur tryggt sér starfsaðstöðu í Múlanum – samvinnuhúsi í Neskaupstað fyrir nýja starfsstöð sína sem mun opna á næstu dögum þar. 

Þetta kemur fram á heimasíðu Hafrannsóknastofnunar. 

Verið er að ganga ráðningu í stöðu tveggja starfsmanna á nýju starfsstöðina sem auglýst voru nýlega við uppsjávarsvið stofnunarinnar. 

Múlinn – samvinnuhús er í eigu Samvinnufélags útgerðarmanna í Neskaupstað eða SÚN. Húsið hýsti áður verslunina Nesbakka.

Frétt af mbl.is

Opna starfsstöð í Neskaupstað

Undirbúningur og framkvæmdir við húsið hafa staðið yfir í ár og var það meðal annars stækkað um 300 fm. Húsið var opnað um áramótin og er hið glæsilegasta. Fyrstu leigjendur þess eru þegar fluttir inn.

Segja má að húsið verði eins konar atvinnuklasi en aðrir sem einnig hafa tryggt sér aðstöðu í húsinu eru: Matís, Náttúrustofa Austurlands, Austurbrú, Deloitte, Nox health, Trackwell, Advania, Stapi lífeyrissjóður og Origo.

Hafrannsóknastofnun er fyrir með starfsstöðvar á níu stöðum á landinu en útibúið í Neskaupstað er það fyrsta á Austurlandi.

Múlinn hefur verið gerður upp og stækkaður um 300 fm. Eftir stendur hin glæsilegasta klasastarfsstöð. Ljósmynd/Hafrannsóknastofnun

Tengdar fréttir

Hafrannsóknastofnun

Héldu í 34 daga uppsjávarleiðangur

• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi
• Beint: Ráðgjöf Hafrannsóknastofnunar

» Fleiri tengdar fréttir

• Blogga um frétt