Anna til Kanada

Útgerðarfélag Akureyringa hefur selt línuskipið Önnu EA 305 til kanadíska fyrirtækisins Arctic Fishery Alliance, segir á vef Samherja. Skipið var smíðað í Noregi árið 2001 og endurnýjað 2008. Lengdin er 52 metrar og breiddin 11 metrar.

Á vef Samherja er haft eftir Kristjáni Vilhelmssyni útgerðarstjóra að nokkrar útgerðir hafi sýnt áhuga á að kaupa skipið eftir að það var sett á söluská.

„Anna er mjög gott línuveiðiskip. Sérstaðan er meðal annars sú að línan er dregin í gegnum brunn sem er á miðju skipsins. Helsta ástæða sölunnar er að útgerðin borgaði sig ekki fjárhagslega og þess vegna þótti okkur rökrétt að selja. Anna hefur ekki stundað veiðar í nokkurn tíma og skipverjar eru komnir yfir á önnur skip Útgerðarfélags Akureyringa eða Samherja,“ segir Kristján Vilhelmsson á vef Samherja.

• Blogga um frétt