Veitt tugum nýsköpunarfyrirtækjum aðstöðu í áratug
Setja bókamerki
Á morgun verður liðinn áratugur frá því að Hús sjávarklasans var opnað. Á þessum tíu árum hafa yfir 150 frumkvöðlafyrirtæki haft aðstöðu til lengri eða skemmri tíma í húsinu og sum þeirra dafnað svo að hjá þeim starfa tugir eða jafnvel hundruðir, að því er fram kemur í tilkynningu.
Þar er vakin athygli á að Hús sjávarklasans „hefur verið fyrirmynd svipaðrar aðstöðu, sem nú byggist upp víða um land, og hafa aðstandendur þeirra verkefna notið liðsinnis starfsmanna klasans við þá uppbyggingu.“
Íslenski sjávarklasinn fagnaði 10 ára afmæli í fyrra en á morgun verður s.s. tíu ár liðin frá því að hús þess var opnað sem skapaði aðstöðu fyrir nýsköpunarfyrirtækin.
Árangurinn af klasasamstarfinu í húsinu hefur borist út fyrir landsteinanna og er nú starfsrækt svokallað systurhús í Portland í Maine-ríki í Bandaríkjunum undir merkjum „The Hús“. Þykir takast svo vel til að fyrir öldungadeild Bandaríkjaþings liggur frumvarp um stuðning við uppbyggingu klasahúsa og fyrirmyndin er sótt til Íslands.
„Þá hefur fjöldi hafna bæði í Bandaríkjunum og Evrópu sýnt áhuga á að koma upp sambærilegri nýsköpunarstarfsemi og hafa forsvarsmenn yfir 20 hafna heimsótt klasann á undangengnum árum í þessum tilgangi,“ segir í tilkynnignunni.
Hús sjávarklasans tekur á móti miklum fjölda innlendra og erlendra gesta á hverju ári þar sem kynnt er nýsköpunarstarfsemi í bláa hagkerfinu á Íslandi og áhersla Íslenska sjávarklasans á betri nýtingu sjávarafurða. Kynningin er undir yfirskriftinni „100% fiskur“ og vísar þar í viðleitni Sjávarklasans að stuðla að fullri nýtingu allra aukaafurða sjávarafurða, hvort sem er í fiskveiðum eða eldi.
/frimg/1/50/8/1500878.jpg)
Yazan verður ekki fluttur úr landi
97 aðgerðir hafa neikvæð áhrif
Ræddu við skólasystkini stúlkunnar í dag
„Staðan er grafalvarleg“
Fjármögnun alríkisins enn í óvissu
„Verða bara eins og „zombíar““
Velferð ekki gefin
Sýklalyfjaónæmi vaxandi vandamál