Heita því að koma Kobba Láka í rekstur
Setja bókamerki
Ríkisstjórnin hyggst sjá til þess að Kobbi Láka fáist skráður á Íslandi þannig að hægt sé að taka björgunarskipið í rekstur. Þetta sagði Jón Gunnarsson, dómsmálaráðherra, í ræðu sinni á ráðstefnunni Björgun22 sem fram fer í Hörpu.
„Það gengur ekki að séríslenskar reglur stöðvi svona mikilvægt verkefni,“ sagði Jón. Tilkynnti hann gestum að Sigurður Ingi Jóhannsson, innviðaráðherra, myndi beita sér fyrir því að fundinn yrði lausn í málinu.
Nýr Kobbi Láka, sem keyptur var frá Noregi í sumar, hefur enn ekki fengið skráningu hér á landi vegna þeirra séríslenskra krafna sem yfirvöld gera um að björgunarbátar sem notaðir eru á úthafi séu sjálfréttandi.
Innviðaráðuneytið hafði ekki svarað fyrirspurnum um mögulegar undanþágur frá gildandi regluverki. Yfirlýsing Jóns gefur til kynna að stjórnvöld ætla að finna leið til að veita Kobba Láka undanþágu frá kröfunni um búnað sem réttir bátinn af.
Gerðu umfangsmiklar loftárásir á Líbanon
Búið að fella björninn
Vendingar vestanhafs geti haft áhrif hér heima
Grænlendingar vildu ekki fá björninn til baka
Óánægja er með áform um efnistöku
Lögreglan leitar eftir myndefni í tengslum við andlátið
Birtu ekki dóm yfir fyrrverandi forseta bæjarstjórnar