Stjórn Iceland Seafood hefur ákveðið að hætta rekstri í Bretlandi. Ákvörðunin kemur í kjölfar viðvarandi rekstrarhalla í fiskvinnslu sem félagið hefur byggt upp í Grimsby.

Í tilkynningu vekur Iceland Seafood athygli á að í mars 2020 hafi verið gengið frá samruna reksturs í Bradford og Grimsby. Þá hafi þegar verið búið að fjárfesta í uppbyggingu sameinaðrar fiskvinnslu í Grimsby en á þessum tíma hafi Covid-heimsfaraldurinn farið af stað með tilheyrandi áhrifum og töfum á framkvæmdum og uppsetningu. Þá hafi einnig Brexit haft veruleg áhrif á rekstrarskilyrði fiskvinnslunnar.

Reksturinn hefur því verið settur á sölu. „Þrátt fyrir að það hafi verið komist að þeirri niðurstöðu að reksturinn í Bretlandi henti ekki framtíðarsýn Iceland Seafood, getur frábær aðstaða og öflugt stjórnendateymi í Grimsby verið frábær viðbót við önnur fyrirtæki.“

Mun erfiðara rekstrarumhverfi en áður

Tap var hjá samstæðu Iceland Seafood á fyrsta árshelmingi og var í tilkynningu vegna uppgjörsins sérstaklega vakin athygli á að það myndi taka lengri tíma og kosta meira að koma á stöðugleika i rekstrinum í Bretlandi. Þá var fenginn inn nýr stjórnendahópur og gert ráð fyrri að jafnvægi yrði náð á fyrsta árshelmingi 2023.

Nú virðist ekki vera til staðar trú á að endurskipulagning rekstursins myndi skila nægilegum árangri til þess að það sé þess virði að halda áfram á þeirri braut.

Frétt af mbl.is

253 milljóna tap hjá Iceland Seafood

Í ágúst síðastliðnum sagði Bjarni Ármannsson, forstjóri Iceland Seafood, í viðtali í tilefni af hálfsársuppgjörinu að: „Launakostnaður hefur aukist töluvert, það er erfiðara að fá vinnuafl, eft-ir Covid hefur vinnuvilji fólks minnkað. Það er líka ljóst að Bretland hefur reitt sig á framleiðslu frá Austur-Evrópu og Kína í heilmiklum mæli, og framleiðslueiningar þar eru minna sjálfvirknivæddar en maður sér annar staðar í Evrópu. Færri fara frá Evrópu til Bretlands í atvinnuleit í kjölfar Brexit. Allt sem lýtur að pappírsvinnu og tollagerð sem gerir vörum kleift að fara á milli hefur breyst. Þessir fríverslunarsamningar sem um var rætt um við stór hagkerfi eins og Jap-an og Bandaríkin hafa tekið lengri tíma og skilað minna en vænst var til.“

Frétt af mbl.is

„Trúum því að góðir hlutir gerist hægt“

Tengdar fréttir

Iceland Seafood

Samþykktu hækkun vaxta í 13%

• Birna í stjórn Iceland Seafood
• Biðja kröfuhafa um leyfi til að selja IS UK
• Brim kaupir hlut Bjarna í Iceland Seafood
• Reksturinn í Bretlandi seldur á þúsund pund

» Fleiri tengdar fréttir

• Blogga um frétt