Hópur kvikmyndastjarna hefur greinst með kórónuveiruna eftir að hafa mætt á Golden Globe-verðlaunahátíðina sem var haldin á dögunum.

Frétt af mbl.is

Spielberg vann en Hildur fór tómhent heim

Á meðal þeirra eru Michelle Pfeiffer, Jamie Lee Curtis, Colin Farrrell og Brendan Gleeson, að sögn BBC.

Gestir annarrar verðlaunahátíðar, Critics Choice Awards sem var haldin á sunnudaginn, þurftu að sýna fram á neikvætt kórónuveirupróf áður en þeir fengu að vera viðstaddir. Einhverjar stjörnur þurftu fyrir vikið að hætta við að mæta.

Frétt af mbl.is

Hildur vann

„Ég er virkilega svekkt yfir því að missa af Critics Choice-verðlaununum í dag,“ skrifaði Pfeiffer á Instagram. „Jú rétt, Covid.“

Pfeiffer átti að veita leikaranum Jeff Bridges heiðursverðlaun fyrir framlag hans til leiklistarinnar. Í staðinn afhenti John Goodman honum verðlaunin.

Curtis tjáði sig einnig á samfélagsmiðlum. „Því miður er þessi aðalklappstýra ekki á leiðinni á neinar hátíðir til að klappa fyrir vinum og samstarfsmönnum,“ sagði hún.