Raunveruleikastjarnan Lisa Rinna er þekkt fyrir að vera óhrædd við að birta djarfar myndir á samfélagsmiðlum sínum, en á dögunum birti hún nektarmynd á Instagram með mikilvægum skilaboðum til fylgjenda sinna. 

„Moira Rose segir að þú eigir að taka eins margar nektarmyndir af þér og þú getur, á meðan þú getur það enn þá, og fagna því. Allt í lagi Moira,“ skrifaði Rinna við myndina. Í textanum vitnar hún í persónuna Moiru Rose úr sjónvarpsþáttunum Schitt's Creek sem leikin er af Catherine O'Hara.

Þetta er ekki í fyrsta sinn sem Rinna birtir nektarmynd á miðlum sínum, en það vakti mikla athygli þegar hún deildi nektarmynd úr myndatöku fyrir Playboy-tímaritið á 57 ára afmæli sínu og þótti mörgum hún ganga of langt.

Rinna virðist þó ekki kippa sér upp við hneykslunarraddir og er staðráðin í því að fagna líkama sínum áfram og virðist ætla að halda áfram að taka nektarmyndir af sér eins lengi og hún getur.

Frétt af mbl.is

Fagnar 57 ára afmælinu með nektarmynd

Skjáskot/Instagram