Sjónvarpskonan Sharon Osbourne viðurkenndi í sjónvarpsviðtali á dögunum að hafa misnotað sykursýkislyfið Ozempic. Fyrrverandi þáttastýran hefur misst tæplega 15 kíló á innan við fjórum mánuðum og vegur í dag aðeins 45 kíló. 

Osbourne, sem er gift eilífðarrokkaranum Ozzy Osbourne, var gestur í spjallþætti Piers Morgan ásamt eiginmanni sínum og tveimur börnum, og ræddi meðal annars um þyngdartap sitt. Hún sagðist hafa nýtt sér „auðveldu leiðina“ til að losna við „aukakílóin“ og viðurkenndi einnig að hafa farið of langt. 

Mörgum brá í brún yfir breyttu útliti Osbourne, en andlit hennar var beinabert og náfölt. 

Frétt af mbl.is

Grenntist með hjálp „töfralyfsins“

Frétt af mbl.is

Segir nýjasta „töfralyfið“ í Hollywood ekki áhættulaust

Sjónvarpskonan er ein af mörg­um Hollywood-stjörn­um sem hafa viður­kennt að hafa not­fært sér lyfið til að grenn­ast hratt. Amy Schumer, Tracy Morgan og Chel­sea Handler hafa öll játað að hafa nýtt sér grenn­ing­ar­mátt lyfs­ins.