Sambýlismaður bandarísku leikkonunnar Halle Berry, tónlistarmaðurinn Van Hunt, er stoltur af sinni konu og ófeiminn að sýna heiminum það.

Í tilefni af mæðradeginum birti Van Hunt eldheita ljósmynd af Berry þar sem hún stendur nakin á svölum heimilis þeirra. Skemmtilegur texti fylgdi ljósmyndinni en Van Hunt lék sér að orðinu afturendi þar sem leikkonan sýndi beran bossann.

Van Hunt og Berry eiga engin börn saman en bæði eiga þau börn úr fyrri samböndum.

Berry á 15 ára gamla dóttur með fyrirsætunni Gabriel Aubry og tíu ára gamlan son með leikaranum Oliver Martinez. Van Hunt á son á táningsaldri.