Kóngafólk í fjölmiðlum | 14. mars 2024
Kensingtonhöll ekki lengur traust heimild
Ein stærsta fréttaveita heims telur Kensingtonhöllina ekki lengur trausta heimild í kjölfar þess að höllin gaf út umbreytta mynd af Katrínu, prinsessu af Wales, sem vakið hefur mikla furðu.
Kensingtonhöll ekki lengur traust heimild
Kóngafólk í fjölmiðlum | 14. mars 2024
Setja bókamerki
Ein stærsta fréttaveita heims telur Kensingtonhöllina ekki lengur trausta heimild í kjölfar þess að höllin gaf út umbreytta mynd af Katrínu, prinsessu af Wales, sem vakið hefur mikla furðu.
Ein stærsta fréttaveita heims telur Kensingtonhöllina ekki lengur trausta heimild í kjölfar þess að höllin gaf út umbreytta mynd af Katrínu, prinsessu af Wales, sem vakið hefur mikla furðu.
Í byrjun vikunnar neyddist Katrín til að senda frá sér yfirlýsingu og biðjast afsökunar á því að átt hefði verið við mynd af henni sem birtist um helgina en prinsessan hefur horfið úr sviðsljósinu eftir að hún fór í læknisaðgerð.
Í ljósi þess að einni mynd af Katrínu var breytt telja sumir að ekki sé hægt að treysta því sem kemur frá konungsfjölskyldunni.
„Alls ekki“ traust heimild
Phil Chetwynd, fréttastjóri Agence France-Presse (AFP), sagði í viðtali á rás 4 breska ríkisútvarpsins að stofnunin hefði endurskoðað samband sitt við prins og prinsessu af Wales og myndi til frambúðar grandskoða allar myndir frá konungsfjölskyldunum.
Deadline greinir frá því að slík yfirlýsing frá fréttastjóranum hefði áður verið talin óhugsandi, en Chetwynd sagði að myndin hefði vakið miklar áhyggjur hjá AFP. Hann viðurkenndi aftur á móti að stofnunin hefði aldrei átt að staðfesta myndina til notkunar, þar sem hún „braut gegn okkar verklagsreglum“.
Spurður hvort Kensingtonhöllin væri enn traust heimild, svaraði Chetwynd:
„Nei, alls ekki. Eins og með hvað sem er, þegar þú verður fyrir vonbrigðum með heimild þá er viðmiðið hækkað enn frekar... Við sendum út tilmæli á öll okkar teymi um þessar mundir um að vera alveg gjörsamlega vakandi yfir því efni sem kemur á okkar borð – jafnvel frá þeim sem við myndum kalla traustar heimildir.“
/frimg/1/47/69/1476986.jpg)
Fyrsta opinbera myndin frá aðgerðinni
Í tilkynningu baðst prinsessan afsökunar á „ruglingnum“ en höllin hefur ekki tjáð sig meira um myndina og hefur neitað að birta upprunalegu myndina.
Myndin var sú fyrsta sem konungsfjölskyldan birtir af Katrínu síðan hún gekkst undir aðgerð á kviðarholi fyrir tæpum tveimur mánuðum. Birtist hún með mæðradagskveðju frá Katrínu þar sem hún þakkar fyrir kveðjur síðustu mánuði.
Vangaveltur hafa verið um heilsu prinsessunnar þar sem hún hefur ekki sést á opinberum vettvangi um nokkurt skeið. Fulltrúar bresku konungsfjölskyldunnar höfðu áður neitað að tjá sig eftir að fréttaveiturnar afturkölluðu myndina.
/frimg/1/43/88/1438814.jpg)
