Sjálfstæðismenn í borgarstjórn Reykjavíkur leggja fram tillögu í borgarstjórn í dag þess efnis að umhverfis- og skipulagssviði borgarinnar verði falið að hefja vinnu við endurskoðun á aðalskipulagi Reykjavíkur með það að markmiði að skipuleggja blandaða byggð í Geldinganesi með áherslu á íbúðauppbyggingu.

Frétt af mbl.is

Segir sögulega uppbyggingu framundan

Við endurskoðunina skuli hafðar til hliðsjónar þær skipulagshugmyndir sem áður hafa komið fram í hugmyndasamkeppni um svæðið. Umhverfis- og skipulagssviði verði jafnframt falið að hefja aðra þá vinnu sem nauðsynleg er til að gera það mögulegt að hægt verði að úthluta lóðum sem fyrst fyrir fjölbreytta fjölskylduvæna byggð í Geldinganesi á viðráðanlegu verði.