Eiginmaður raunveruleikastjörnunnar Christine Quinn, Christian Richard, var handtekinn vegna gruns um heimilisofbeldi. 

Lögreglan í Los Angeles var kölluð að heimili hjónanna í Hollywood-hæðum á þriðjudag. Að sögn lögreglu hafði komið til ósættis með heimilisfólki, en Richard er sagður hafa slegið tveggja ára son hjónanna með glerflösku. 

Christine Quinn, sem gerði garðinn frægan í raunveruleikaþáttaröðinni Selling Sunset, var víst áætlað skotmark Richard en glerflaskan sem hann fleygði í Quinn hæfði son hjónanna í staðinn. Meiðsli drengsins eru sögð smávægileg. 

Richard var leiddur á brott í handjárnum, berfættur og á baðsloppnum. Hann sætir nú gæsluvarðhaldi.