Íran segir Bandaríkjamenn og Breta styðja hryðjuverkasamtök

Íranar við trúariðkanir. Sprengjurnar sprungu við Mosku í Íran. Mynd ...
Íranar við trúariðkanir. Sprengjurnar sprungu við Mosku í Íran. Mynd úr safni. Reuters
Stjórnvöld í Íran hafa heitið því að góma þá sem stóðu að sjálfsmorðssprengjuárás þar í landi á fimmtudaginn. Róttækur hópur aðskilnaðarsinnaðra súnni múslima hefur lýst yfir ábyrgð á árásunum. Tvær sprengjur voru sprengdar með þeim afleiðingum að 28 manns létu lífið í mosku í borginni Zahedan í Suðaustur-Íran.

Samtökin, sem kallast Jundullah, berjast fyrir aðskilnaði súnni múslima og síja múslima. Árásin er sögð í hefndarskini vegna þess að foringi samtakanna var nýlega tekinn af lífi í Íran.

Stjórnvöld í Íran hafa sakað  Bandaríkin og Bretland um að eiga þátt í árásunum. Ríkin hafi stutt við bakið á hryðjuverkasamtökunum til þess að veikja stoðir íslamska lýðveldisins í Íran. Það sé gert í hefndarskyni vegna kjarnorkustefnu Írans. Bæði Bretar og Bandaríkjamenn vísa öllum slíkum ásökunum á bug og hafa fordæmt árásirnar.

Talið er að minnst 167 manns hafi látið lífið í þessari mannskæðu árás. Mikil hátíðarhöld voru í gangi þegar árásirnar áttu sér stað. Fjöldi fólks var saman komið við moskuna þegar hryðjuverkamenn, dulbúnir sem konur, sprengdu sig í loft upp með fyrrgreindum afleiðingum.

Til þess að tryggja sem mest mannfall liðu um 15 mínútur á milli sprenginga. Það er vel þekkt aðferð hryðjuverkahópa. Eftir fyrri sprenginguna kom fjöldi fólks aðvífandi til aðstoðar. Þá lét síðari tilræðismaðurinn til skarar skríða og sprengdi sig í loft upp.

mbl.is

Bloggað um fréttina

BÍLAKERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
Bækur
Til sölu fullt af alls kyns bókum, upplýsingar í síma 8920213...
 
Úthlutun
Tilkynningar
Auglýsing vegna úthlutunar byggð...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Aðalfundur
Fundir - mannfagnaðir
Félag sjálfstæðismanna, Langholti ...
Samkoma
Félagsstarf
Söngsamkoma kl. 20 í Kristni- boðssalnu...